martes, 24 de enero de 2012

XIXÓNPOLIS: EL XUEGU PA MERCAR XIXÓN

Más Patrimoniu...

“Xixónpolis” ye una actividá lúdico-pedagóxica pa que los escolinos y escolines conozan, al traviés d’un xuegu, los barrios y distritos de la ciudá de Xixón.

L’actividá ye una forma prestosa y entretenida de conocer dalgo de la hestoria de los barrios de Xixón y el porqué de los sos topónimos, al empar que xueguen y participen.
El xuegu ye mui asemeyáu al “Monopoly”. Nel van tener que percorrer un tableru xigante de la nuestra ciudá al tiempu que merquen los llugares más significativos de los barrios de Xixón, too ello con desplicaciones.

Ye un xuegu d’equipu. En ca un de los equipos hai ente 4 o 5 neños/neñes y tien asignaú un color (coloráu, naranxa, mariellu, marrón, verde) Nos equipos tien que haber un neñu o una neña que ye’l vozaleru/a que ye’l que fala pol equipu y contesta les entrugues (previa consulta col restu’l equipu). También hai un neñu o neña que tira’l dau y otru/a que ye’l que percorre descalzu/a’l tableru xigante.

De lo que se trata ye de mercar cuantos más barrios meyor y de acumular cuantes más perres (dineru), como nel “Monopoly”. La dificultá ta en contestar les entrugues correutamente pa poder mercar los barrios y en nun cayer nos barrios que ya tán mercaos polos otros equipos porque tendríen que pagar un tributu.

El xuegu ficiéronlu los neños/neñes de Tercer Ciclu d’Educación Primaria.




No hay comentarios:

Publicar un comentario